Pagbabalik ng Iyong Kahapon

isinulat ni Kiden

Unti-unti kong nararamdaman

Kailangan na kitang pakawalan.

Kahit tayo ang magkasama

Puso't-isip mo pa rin nasa kanya.

Kamay ko nga ba ang iyong nadarama

Sa tuwing hahawakan kita?

Labi ko nga ba ang iyong hinahalikan

Sa tuwing ika'y aking hahagkan?

Unti-unting nauubos ang oras ko;

Nagtataka kung kailang uli kayo magtatagpo.

O ano ang mga bagay na iyong gagawin

Kapag nagbalik na ang mga dating pagtingin.

Ngayon pa lang ako'y nasasaktan na;

Ngayon palang gusto ko nang lumuha.

Dahil alam kong ika'y sa aking mawawala,

Dahil alam kong ika'y dapat kong mapalaya.